Një 25-vjeçar me iniciale F.Rr. është ndëshkuar nga policia pasi disa ditë më parë i ka penguar rrugën zjarrfikëses që po mbërrinte në një vendngjarje ku humbj jetën një person.
Policia ben me dije se ndaj 25-vjeçarit është vendosur gjoba 40000 lekë ndërsa i është pezulluar leja e drejtimit për 24 muaj.
“Në lidhje me një video të postuar në rrjetet sociale ku duket një automjet, i cili nuk i hap rrugën zjarrfikëses për të shkuar në një vendngjarje sqarojmë se:
Specialistët e Qarkullimit Rrugor në DVP Vlorë, pas publikimit të videos, në bazë të informacioneve të grumbulluar kanë bërë të mundur identifikimin e shtetasit F. Rr., 25 vjeç, banues në Vlorë, drejtuesi i mjetit që u bë pengesë për mbërritjen e shpejtë të zjarrfikëses në një vendngjarje ( aksident), ku si pasojë humbi jetën një shtetas.
Në përfundim të veprimeve, nga specialistët e Qarkullimit Rrugor u vendos masa administrative 40000 lekë, si dhe pezullimi i lejes së drejtimit për 24 muaji për shtetasin F. Rr.
Drejtoria Vendore e Policisë Vlorës fton qytetarët që të denoncojnë në numrin 112 dhe në Komisariatin Dixhital çdo paligjshmëri duke iu garantuar anonimat të plotë dhe reagim të menjëhershëm dhe të paanshëm”, thuhet në njoftim e policisë.
