Trembëdhjetë trupa të tjerë janë gjetur në Kaliforni, duke çuar numrin e të vdekurve nga zjarret më vdekjeprurëse të shtetit amerikan në 42, thonë autoritetet zyrtare.
Sipas CNN, mbetjet u gjetën kryesisht në qytetin e djegur të Paradise, në veri të shtetit amerikan.
Të paktën 228 njerëz mungojnë, pasi zjarri në vend vazhdon të ‘tërbohet’.
CNN raporton gjithashtu se rreth 7.200 ndërtesa janë shkatërruar dhe 15.500 të tjera janë në rrezik.
Zjarri ka tejkaluar tashmë fatkeqësinë e ‘Griffith Park’ të vitit 1933 që vrau 31 vetë.
Ndërkohë në jug, zjarri i Woolsey ka marrë dy jetë, pasi ka dëmtuar vendpushimet e plazhit, duke përfshirë Malibu.
Rreth 250,000 vetë janë detyruar të largohen nga shtëpitë e tyre në të gjithë shtetin.
Duke folur në një konferencë shtypi të hënën në mbrëmje, shefi i qarkut Butte Kory Honea konfirmoi numrin e të vdekurve dhe numrin zyrtar të të zhdukurve.
Mendohet se numri i të zhdukurve është më i madh nga sa raportohet.
