Autoritetet greke evakuuan dy fshatra këtë të hënë për shkak të zjarreve masive që po djegin rajonin qëndror dhe verior të vendit.
Roja bregdetare ka vendosur në gatishmëri varka patrullimi, anije peshkimi dhe mjete lundruese private nëse do të jetë e nevojshme për largime të tjera nga deti.
Më herët gjatë ditës në një nga zonat që janë nën kërcënimin e flakëve u shënua edhe viktima e parë për shkak të zjarrit. SIpas mediave, një burrë ndërroi jetë teksa tentonte të shpëtonte bagëtitë e tij.
Në verilindje të vendit, pranë kufirit me Turqinë u aktivzuan sërish disa vatra duke shkrumbuar hektarë me toka bujqësore dhe pyje.
Qindra punonjës zjarrfikës po punojnë nga toka dhe nga ajri për shuarjen e flakëve por erërat dhe tempreaturat e larta po e bëjnë edhe më të vështirë punën. Në ndihmë të tyre kanë ardhur edhe dy avionë zjarrfikës nga Qipro.
Që prej të premtes në Greqi janë djegur dhjetra banesa ndërsa janë evakuuar në total 13 fshatra.
Autoritetet po mbajnë në ekstrem nivelin e rrezikut në disa rajonë, përfshirë edhe kryeqytetin Athinë.
