Flakët që përfshinë masivet pyjore të Drenovës në Mallakastër nuk janë shuar ende plotësisht, por situata është nën kontroll.
10 mjete zjarrfikëse dhe 4 të ushtrisë ndërhynë në kodrat e Gorishovës dhe Belishovës për të izoluar vatrën.
Terreni i thyer e vështirësoi punën, por aktualisht zjarri nuk po përparon.
Ndërkohë, gjatë 24 orëve të fundit janë raportuar 24 vatra zjarri në të gjithë vendin, ku 4 prej tyre vijojnë të jenë aktive.
Ministria e Mbrojtjes bëri të ditur se në të gjithë vendin janë djegur mbi 154 hektarë me pyje, shkurre dhe bimësi, si dhe më shumë se 3 mijë rrënjë ullinj./vizionplus.tv
