Zjarr në Taroninë të Gjirokastrës, flakët rrezikuan banesat

Ditën e sotme në rrethinat e fshatit Taroninë, Gjirokastër u regjistrua një zjarr problematik që rrezikoi edhe banesat.

Sipas MZSH Gjirokastër në mesditë u njoftuan për një vatër zjarri në Njësinë Administrative Cepo, në afërsi të fshatit Taroninë.

Menjëherë në vendngjarje u nis grupi i patrullimit që ndodhej në këtë njësi administrative. Me mbërritjen në vendngjarje u konstatua se zjarri kishte rënë në shkurre.

Falë ndërhyrjes së menjëhershme dhe në kohë të shërbimit zjarrfikës, u bë e mundur vënia në kontroll dhe fikja e plotë e zjarrit në një kohë të shkurtër, duke parandaluar përhapjen e tij dhe marrjen e përmasave më të mëdha.