Disa makina u dogjën për shkak të një zjarri që përfshi bodrumin e një pallati në Fier.
Ngjarja ndodhi në orët e vona të natës në lagjen “15 Tetori”. Mësohet se fillimisht është djegur një prej makinave dhe më pas edhe të tjerat që ndodheshin pranë saj.
Dyshimet e para janë që zjarri të ketë rënë për shkak të një shkëndije elektrike. Për shkak të panikut të krijuar tek banorët, rreth 30 familje u evakuuan.
‘Gjithë pallati u llahtaris. S’kishim ku të dilnim. Dëgjuam zhurmë dhe pastaj tmerri i njerëzve”, rrëfeu një prej banorëve.
