Një zjarr masiv ka përfshirë një sipërfaqe pyjore pranë fshatit Leshnicë në Pogradec. Burime nga vendngjarje bëjnë me dije se flakët e zjarrit po përhapen me lehtësi të favorizuara edhe nga era.
Mësohet se nga zjarri është përfshirë një sipërfaqe e konsiderueshme me gështenjë.
Banorët e zonës, forcat zjarrfikëse dhe emergjencat civile po punojnë për të bërë të mundur shuarjen e flakëve por situata paraqitet kritike.
