Zhduket nga radarët në Francë, një avion i vogël me të cilin po udhëtonte sulmuesi italo-argjentinas Emiliano Sala.
Mjeti fluturues ishte nisur nga Nantes mbrëmjen e të hënës por pak minuta më vonë, përpara se të kalonte mbi kanalin e Le Manshit, avioni është zhdukur nga radarët në mënyrë krejtësisht të pashpjegueshme.
Në bordin e avionit turistik “Piper Malibu” përvec pilotit ishte vetëm sulmuesi 28 vjecar Sala.
Lojtari argjentinas por me origjine italianesapo ishte bere pjesë e klubit Cardiff City, vend drejt të cilit ishte drejtuar paraditen e kësaj të marte nga Franca pas transferimit ne kampionatin anglez.
Emiliano Sala në këtë sezon deri tani kishte shënuar 12 gola në 19 ndeshje me fanelën e Nantes në Francë, paraqitje që e bindën skuadrën uellsiane që të blinte duke shpenzuar 17 milion euro për kartonin e tij, rekord absolute në merkaton e Cardiff City.
Megjithatë bomberi Sala nuk mbërriti kurrë në Uells për tiu bashkuar skuadrën që luan në Premier League.
Kërkimet re helikoptereve u zhvilluan gjatë gjithë natës dhe rinisen edhe paraditen e të martës, por ende asnjë lajm nga Emiliano Sala dhe piloti.
Te henen, pak ore pasi te merrte avionin ai ka pershendetur per here te fundit edhe shoket e skuadres tek Nantes duke bere nje foto me ta te cilen e postoi edhe ne profilin e tij ne istagram me mbishkrimin: E fundit, mirupafshim!
