Gazetari Nazim Rashidi, në një lidhje me Skype në studion e lajmeve të Vizion Plus ka folur për situatën në Maqedoninë e Veriut ku po zhvillohen zgjedhjet lokale.
Sipas Rashidit, procesi i zgjedhjeve ka shkuar shumë mirë dhe nuk ka pasur probleme përvec disa problemeve të vogla me sistemin teknologjik.
“Procesi i votimit ka shkuar shumë mirë. Ka pasur disa probleme të vogla me sistemin e ri ku vendoset gishti në një aparat elektronik Nuk ka pasur vështirësi të medha teknike, përvecc atyre voglave teknologjike”, tha ai.
Rashidi është pyetur edhe lidhur me deklaratën e Zoran Zaev i cili tha se nëse humb Shkupin largohet. Gazetari tha se kryeministri ka dhënë disa deklarat kontradiktore ndërkohë që sipas tij, ngelet vetëm për tu parë.
“Këtë do të presin ta shohin të gjithë qytetarët. Kryeministri ka dhënë disa deklarata kontradiktore. Të gjithë i kanë sytë te rezultati, opozita do i mëshojë fort kësaj deklarate, këtë ka bërë edhe gjatë ketyre ditëve”, u shpreh Rashidi.
