Komisioni i Rithemelimit të PD ka reaguar pas miratimit të zgjatjes së procesit të vettingut.
Sipas këtij Komisioni, Basha votoi sot zgjatjen e vettingut, të cilin, sipas Komisionit, ai më parë e quante si “Projektin Mafioz te Reformës në Drejtesi”.
Në deklaratën e Komisionit të Rithemelimit, theksohet se sot të gjithë u bënë dëshmitarë se paterica e vertetë e Edi Ramës ka emrin dhe fytyrën e pengut të tij Lulzim Brava.
“Sot më shumë se kurrë shqiptarët dhe demokratët panë se si ne shperfillje te plote te rregullave per ndryshimet kushtetuese Lulzim Brava votoi sot zgjatjen e vettingut, te cilin ai me pare e quante si “Projektin Mafioz te Reformës në Drejtesi”.
Edi Rama nuk i dha asnjë shans pengut Basha përvecse të mbyllte gojën dhe si një qenie pa dinjitet, të ngrinte kartonin për të zgjatur mandatin e familjarëve të ministrave të Partisë Socialiste në organet e vetingut.
Ky projekt futi drejtesine shqiptare ne kolaps te rende, krijoi nje stok prej 115 mije dosjesh gjyqesore dhe u mohoi shqiptareve te drejten themelore per nje proces gjyqesor te drejte, bllokoi procesin e integrimit, shnderroi Shqiperine ne epiqender te trafiqeve drejt Europes dhe bllokoi investimet e huaja.
Sot ne parlament shqiptarët dhe demokratët panë versionin më të shëmtuar të një opozite fasadë, të marrë peng nga pushteti, e cila në diktatin e Edi Ramës detyrohet t’i thotë pengmarresit dajë dhe t’i sigurojë atij votat për kapjen e plote dhe perfundimtare te sistemit të drejtësisë.
Sot të gjithë u bëmë dëshmitarë se paterica e vertet Edi Ramës ka emrin dhe fytyrën e pengut të tij Lulzim Brava!
Partia Demokratike e bashkuar me aletatet e saj ne Shtepine e Lirise u ben thirrje te gjithe shqiptareve dhe demokrateve qe ne 6 Mars te bashkohemi jo thjesht dhe vetëm për të zgjedhur kandidatin më të mirë, por për ti dhënë fund narkoshtetit te Edi Rames dhe opozitës fasadë te regjimit të tij, që ka vetëm logon dhe fytyrën e Lulzim Bashës”, thuhet në reagimin e Komisionit e të Rithemelimit të PD.
