Zendaya dhe Tom Holland janë martuar fshehtas. Lajmi u bë i ditur nga stilisti i njohur Law Roach, i cili punon me aktoren që nga viti 2011, gjatë një intervistë në tapetin e kuq të Actor Awards, mbrëmjen e së dielës, më 1 mars.
Gjatë intervistës për Access Hollywood, Roach deklaroi: “Martesa ka ndodhur tashmë, e keni humbur,” dhe kur u pyet nëse është e vërtetë, shtoi: “Është absolutisht e vërtetë” para se të largohej.
Zendaya dhe Tom Holland janë çift që nga viti 2021, ndërsa në janar 2025 u fejuan. Përveç kësaj, ata kishin bërë edhe tatuazhe me inicialet e njëri-tjetrit pak para fejesës.
View this post on Instagram
Ndërsa përdoruesit e rrjeteve po përpunonin lajmin, një foto doli në X (ish-Twitter), duke shtuar emocionin dhe diskutimet rreth ngjarjes.
Fotografia tregon Tom Holland, 29 vjeç, duke i vendosur një unazë Zendaya, ndërsa qëndrojnë përballë njëri-tjetrit të veshur me rrobat e dasmës dhe me një oficant mes tyre.
Fotoja, që duket se është marrë nga larg dhe me cilësi të ulët, u bë shpejt virale, por jo të gjithë janë të bindur për autenticitetin e saj. Disa fansa besojnë se imazhi mund të jetë krijuar nga AI ose të ketë pësuar manipulime digjitale, duke pasur parasysh rritjen e përdorimit të deepfake-ve dhe redaktimeve realiste me AI që qarkullojnë online.
/vizionplus.tv
