Numri i personave që shfaqin probleme me zemrën po rritet cdo ditë e më shumë, e po ashtu edhe vdekjet e shpejta si pasojë e një infarkti kardiak.
Ritmi i çrregullt i zemrës është një nga shqetësimet kryesore, që në shumë raste kërkon implantimin e pajisjeve kardiake për rregullimin e funksionit të saj. Sipas mjekëve kardiologë, gjatë një viti realizohen rreth 600 ndërhyrje të tilla.
“Implantimi i pjisjeve kardiake bëhet për qëllimin e rregullimit të problemeve me ritmin e zemrës të cilat mund të jenë të rrahura të ngadalta ose ndonjëherë të rrahura të crregullta apo të shpejta në varësi të sëmundjes që ka pacienti. Ne implantojmë 500-600 pajisje kardiake në vit. Një pjesë prej tyre janë peacemaker me një dhomë apo dy dhoma por janë dhe aparte defribilatorë kardiakë të implantueshëm të cilat implantohen tek pacientët me aritmi të rrezikshme malinje që i kërcënojnë jetën dhe terapitë e resinkronizimit të cilat implantohen tek pacientët me insuficencë kardiake”, u shpreh Mirald Gina, mjek kardiolog.
Këto pajisje implantohen kryesisht te pacientët e moshës së tretë, por ka raste edhe te të rinjtë. Specialistët theksojnë se pacientët që kanë kryer një ndërhyrje të tillë, pas rikuperimit, mund të vijojnë një jetë normale.
“Kryesisht është mosha e tretë ajo që preket më shumë nga problemet e ritmit të zemrës vecanërisht me të rrahura të ngadalta. Patjetër kemi shpesh mosha të reja qoftë patologjitë të lindura që lindin me një problem të sistemit të zemrës apo pacientë kalojnë infarkt në moshë të re me një zemër të dëmtuar të cilat kanë nevojë t’ju implantohet një pajisje kardiake për parandalimin e vdekjes së papritur. Një pacientë që vjen në gjendje të rëndë që ka bërë gjendje të fikti që mund ti ketë të rrahurat 20-25 në minutë dhe në moentin që i vendoset një aparat peacemaker përmirësimi është imediat , i menjëhershëm, pacienti ndihet mirë, shkon në shtëpi për 24-48 orë dhe bënë një jetë praktikisht normale. Cdo aktvitet që ka bërë më parë mund ta bëjnë sërish”, deklaroi Mirald Gina.
Mjekët kardiologë apelojnë për kryerjen e kontrolleve periodike, pasi edhe një infarkt i trajtuar mbart rrezik për jetën./vizionplus.tv
