Zelensky konfirmon: Do të bisedojmë me Rusinë, ja ku do të mbahet takimi

Presidenti ukrainas Volodimir Zelensky pranoi propozimin e presidentit bjellorus, Alexander Lukashenko që delegacioni rus dhe ai ukrainas të takohen për negociata në kufirin pranë lumit Pripyat.

Ata ranë dakord për një “takim të pakushtëzuar” midis delegacioneve ukrainase dhe ruse.

Në një postim në “Facebook”, Zelensky konfirmon: “Rezultati i bisedës me Alexander Lukashenko: Ne ramë dakord që delegacioni ukrainas të takohet me delegacionin rus pa parakushte në kufirin ukrainas-bjellorusi, pranë lumit Pripyat. Alexander Lukashenko ka marrë përgjegjësinë për të siguruar që të gjithë avionët, helikopterët dhe raketat e stacionuara në territorin bjellorus të qëndrojnë në terren gjatë udhëtimit, bisedimeve dhe kthimit të delegacionit ukrainas.”