Kreu i PD, Lulzim Basha u ndal në Shkodër këtë të martë për të prezantuar programin elektoral të PD. Ai u takua edhe me aktorin e humorit, Zef Deda, i cili i rrëfeu për të “fshehtat” e kryeministrit Edi Rama.
Deda tregoi se Ramën e njihte që nga koha e diktakturës dhe e shihte shpesh në zonën e Bllokut, kur jepte shfaqje. Sipas tij, kreu i qeverisë konsumonte lëndë narkotike. E pranishme në tavolinë ishte dhe aktorja Rita Gjeka, e cila i kërkoi Bashës që të mbajë premtimin për ndërtimin e Teatrit Kombëtar.
Dialogu:
Lulzim Basha: E kalove ëë?
Zef Deda: E kalova. Sot kam ec për herë të pare.
Lulzim Basha: Si e kalove?
Zef Deda: Vështirë…
Lulzim Basha: Vështirë ëë?
Zef Deda: U shtrova në spital.
Lulzim Basha: Në spital u shtrove ee?
Zef Deda: Jo s’pata nevojë për intubim.
Lulzim Basha: Mashallah! Rrezaton energji.
Rita Gjeka: A do e kryejmë këtë punë a jo?
Lulzim Basha: Atë e vendos Shkodra, po e vendosi Shkodra s’ka forcë ta ndalë më?
Rita Gjeka: Shkodra e ka bërë gjithmonë!
Lulzim Basha: E rëndësishme është që shqiptarët të kuptojnë që ka alternativë. Sot kam ardhur në zemrën e qytetarisë. Sa herë vij këtu më mbushet zemra. Më vjen mirë që takimin e parë e nis me ju që jeni elita e zemrës dhe shpirtit shkodran
Rita Gjeka: Urrejtja më e madhe për një qytet është për Shkodrën. Ai është mundu me e shqy Shkodrën si e ka shqy teatrin. Teatri ndoshta është i vogël…
Lulzim Basha: Do ta bëjmë aty ku ka qenë, si ka qenë.
Rita Gjeka: Kjo është e rëndësihme…
Lulzim Basha: Unë kam bërë një marrëveshje… aty ku ka qenë, ashtu siç ka qenë. Çdokush që është përfshirë në atë aferë do shkojë përpara drejtësisë.
Zef Deda: Unë kam dhënë shfaqje në Bllok, e kam parë sesi sillen bijtë e tyre. Ata kanë qenë dikush i urtë, dikush i hedhur, ky ka qenë më i hedhuri i tanve. Veshte këmisha me lule, ky pinte marijuanë, ky tallej me të madhin, me të voglin, me tanë. U tallte me tanë, është tall me nanën e vet, babën e vet, me fëmijët e vet… Është i marri që na ka hy midis.
Lulzim Basha: Ashtu është.