Nuk e kane pare, por pretendojnë te kenë prova te forta se ne sistemin tone diellor ekziston edhe një planet i nëntë. Astronomët amerikane Michael Brown dhe Konstantin Batygin te Institutit kalifornian te Teknologjisë, i kane publikuar informacionet e tyre ne revistën “Astronomical Journal”. Sipas tyre, planeti ka përmasat e Neptunit, dhjete here sa masa e tokës dhe gjendet jashtë orbitës se Plutonit. Atij i nevojiten 20 mije vjet te rrotullohet rreth diellit. Ndonëse ekzistenca e tij nuk konfirmohet, shkencëtaret e bazojnë këtë pohim tek mënyra sesi lëvizin objekte te tjerë te largët ne hapësire. Sipas Brown, ka shume teleskopë ne toke qe kane nje mundësi ta gjejnë planetin. Ai shpreson se pas këtij njoftimi, njerëzit do te nisin kërkimet per te. Edhe pse përfaqësues nga agjencia hapësinore NASA janë skeptike per ekzistencën e këtij planeti, pohimet e dy astronomëve, do te motivonin kërkimet intensive për te.
