Një konflikt për pronat duket se është shkaku i plagosjes së dy personave ditën e enjte në Sarandë. Policia shpalli në kërkim 4 persona, ndërsa të plagosurit Gëzim Hajdaraj 33 vjeç dhe Ernest Lama 24 vjeç, ndodhen në spitalin e Traumës në Tiranë jashtë rrezikut për jetën.
Në kërkim janë Artan Murtaj, Klaus Jaçaj si dhe dy vellëzërit Erjon Canaj e Ramadan Zoto. Ky i fundit besohet se ishte personi që qëlloi me armë zjarri në drejtim të Ernest Lamas dhe Gëzim Hajdaraj.
Lexo edhe :
Related Posts
Palët janë takuar fillimisht për tu sqaruar për konfliktin që kishin për një pronë, por situata përfundoi në përdorimin e armëve.
Ramadan Zoto i njohur edhe si Ramadan Canaj është shpallur në kërkim për vrasje në rrethana të tjera cilësuese e mbetur në tentativë. Ndërsa 3 të tjerët akuzohen për përkrahje të autorit të krimit.
Dy vëllezërit Canaj rezultojnë me precedent penalë. Ramadan Canaj, aktualisht është në proces gjyqësor në Sarandë për “goditje për shkak të detyrës”, ndërsa vëllai i tij, Erjon Canaj në dhjetor 2022 ka dhunuar rojën e spitalit dhe në shkurt 2024 është arrestuar në banesë me 2 pistoleta.
Ndërkohë në vendin e ngjarjes policia gjeti edhe një çantë brenda së cilës kishte një pistolet, që i përket të plagosurit Gëzim Hajdaraj, ndaj për këtë të fundit u vendos masa e arrestit./vizionplus.tv
