Ambasadorja e Shtetete të Bashkuara të Amerikës, Yuri Kim u bëri thirrje qytetarëve që të marrin kartat e reja të identitetit.
Kim, përmes një postimi në “Twitter”, tha se ky proces nuk duhet vonuar me qëllim që qytetarët të mos kenë probleme me votimin në 25 prill.
“Është urgjente që të gjithë qytetarët e Shqipërisë të marrin karta të reja identiteti në mënyrë që të mund të marrin shërbime dhe të votojnë në zgjedhjet e 25 prillit. Lëshimi i letërnjoftimeve të reja biometrike është një pjesë thelbësore e marrëveshjes mbi reformën zgjedhore. Ju lutemi mos prisni derisa të jetë tepër vonë – merrni letërnjoftim të ri tani, kështu që të mund të votoni më 25 prill.”
