Yuri Kim shton presionin: Mos ndaloni, mos zhgënjeni! Të arrihet marrëveshja deri të dielën

Pas përfundimit të takimit për reformën zgjedhore, ka ardhur dhe reagimi  i ambasadores amerikane në Tiranë. Yuri Kim, me anë të një postimi në “Tëitter” thekson se sot është arritur progres mes palëve.

Megjithatë diplomatja amerikane thekson edhe njëherë ultimatumin për të mbyllur reformën deri të dielën.

“Më shumë progress i arritur sot,  2 – 3 çështje kanë mbetur ende. Palet duhet të punojnë edhe gjatë fundjavës per të arritur një marrëveshje brenda 31 majit.jo të gjithë do të marrin atë që duan, ky është përkufizimi i negociatave. Jeni shumë pranë, mos ndaloni, mos zhgënjeni”, përfundon diplomatja amerikane postimin e saj.