Prokuroria e Tiranës kërkon dënimin me burgim të përjetshëm të Arsen Muskurtit që vrau vëllanë dhe kunatën me armë zjarri.
Krimi i rëndë ndodhi gushtin e 2022 teksa Muskurti hyri brenda agjencisë turistike të Dritan e Nora Muskurtit duke i lënë të vdekur në vend.
Autori i kishte viktimës një borxh prej 150 mijë eurosh, për të cilin ishte hapur edhe një proces gjyqësor.
Katër ditë përpara ngjarjes, për shkak se vëllai i kërcënonte vazhdimisht, çifti i bashkëshortëve e kishin kallëzuar në prokurori dhe kishin bërë kërkesë për urdhër mbrojtje.
Pasi autorit i shkoi fletëthirrja që i ndalonte të afrohej sipas perimetrit të urdhrit të mbrojtjes Arsen Muskurti i qëlloi me armë zjarri duke i lënë të vdekur.
