Katër anëtarë të dyshuar të një organizate kriminale pritet t’i nënshtrohen gjykimit nga Gjykata e Posaçme, pasi SPAK vendosi t’i marrë të pandehur.
Bëhet fjalë për vrasjen e mbetur në tentativë të Inez Hajrulla dhe Ervis Matodashaj që Struktura Antikorrupsion thotë se do bëhej për kontrolluar kontrolluar tregun e bixhozit.
Lexo edhe :
Related Posts
Mbi të pandehurit, Leonard Luzi, Amarildo Nikolli, Muharem Koroveshi e Erio Zejno, të katërt me identitete të shumëfishta, rëndojnë akuzat e rënda të “Sigurimit të kushteve dhe mjeteve për të vrarë”, “Grup i strukturuar kriminal”, Armëmbajtja pa leje dhe Kryerja e veprave penale në kuadër të organizatës kriminale.
Po ashtu Prokuroria e Posaçme njofton se krimi i dyfishtë do të kryehej për hakmarrje, pasi personit që krijoi grupin e struturuar, Leonard Luzi, i ishte vrarë në 2013 një kushëri.
“I pandehuri Leonard Luzi (Zejno), i dërguar për gjykim, është kushëri nga ana e babait me shtetasin Erigert Ferik Zejno, vrarë më datë 22.03.2013, në lagjen “11 Janari”, Vlorë. Hetimet provuan se i pandehuri Leonard Luzi, është financuar nga një person ende i paidentifikuar për të kryer vrasjet e dy shtetasve Ervis Matodashaj dhe Inez Hajrulla”, thuhet në njoftimin e SPAK.
Në lidhje me këtë ngjarje 11 vjet më parë u arrestua edhe një nga personat që do të vriste i pandehuri, por që më pas u la i lirë për mungesë provash.
Fatmirësisht, vrasja e Inez Hajrulla dhe Ervis Matodashaj nuk u krye pasi policia e Vlorës gjatë një kontrolli fizik i gjeti dhe i sekuestroi njërit prej anëtarëve e bandës pistoletën e krimit bashkë me 14 fishekë në zonën e Ujit të Ftohtë në gusht të vitit të shkuar./vizionplus.tv
