Vrasja në Kamëz/ 30-vjeçari me precedente penale, u arrestua nga RENEA muaj më parë

35-vjeçari që u gjet i vrarë brenda një makine në Kodër Kamëz mbrëmjen e kësaj të enjteje, dyshohet se u qëllua me armë silenciator.

Pas ngjarjes, në zonën e Institutit u gjet i djegur një mjet, i cili dyshohet se është përdorur nga autorët e krimit.

Viktima, Can Kariçi, nuk është një emër i panjohur për Policinë e Shtetit.

Mësohet se në shkurt të këtij viti, i riu u arrestua në kuadër të një aksioni të ushtruar nga Forcat Speciale Renea. Asokohe, gjatë kontrollit fizik, atij  iu gjet një krehër i markës “GLOCK”, me 16 fishekë të kalibrit 9 mm pa leje. Gjithashtu, ai akuzohej si autori i vjedhjes së disa targave, të cilat dyshohet se do të përdoreshin në ngjarje kriminale. Bashkë me të, në atë periudhë u shoqëruan edhe pesë persona të tjerë.