Policia greke ka arrestuar autorin e dyshuar për vrasjen e katër anëtarëve të një familjeje shqiptare pak ditë më parë në Andravida.

 

Në pranga ra pronari i shtëpisë ku jetonte me qira familja shqiptare, një 60-vjeçar grek, i identifikuar me inicialet Dh. B.

 

Mediat greke raportojnë se çifti me pronarin grek kishin pasur konflikte, pasi ai iu kërkonte atyre qiranë e shtëpisë. Dyshohet se 60-vjeçari i ka kërkuar çiftit shqiptar që të lironte shtëpinë dhe të largohej prej aty. Por familja shqiptare, sipas të dhënave të mediave greke, kishte një kontratë me të deri në fundin e muajit mars, kontratë të cilën ata i kanë kërkuar ta respektojë.

 

Ishte djali më i madh i familjes, 12 vjeç, ai që kishte gjetur trupat e pajetë në banesë, dhe më pas kishte dalë i shokuar prej aty, duke kërkuar ndihmën e kalimtarëve.

Leave a Reply

Your email address will not be published.