Policia italiane nuk ka publikuar ende emrin e shtetasit shqiptar që mbeti i vrarë mbrëmjen e të enjtes në Itali pas të shtënave me armë në një rrugë në Sasso Pisano, një fshat në komunën Castelnuovo di Val di Cecina, në provincën e Pizës.
Karabinierët janë duke hetuar rastin, por nga raportimet e para duket se viktima 36-vjeç është goditur rreth orës 19.30 teksa ndodhej në makinën e tij. Kërkohen të paktën dy persona të cilët janë larguar me një mjet të dytë.
Sipas një rinderimi të pare te ngjarjes, viktima eshte goditur ndërsa ishte në një makinë të drejtuar nga një person tjetër, i njëjti që udhëtoi disa qindra metra para se të arrinte në një vend publik për të kërkuar ndihmë.
Prita dyshohet se ka ndodhur para darkës, rreth orës 19:30, përgjatë një rruge jashtë qytetit dhe ende nuk është e qartë nëse ka pasur dëshmitarë të tjerë. Mirëpo, duket se të paktën dy persona kanë arritur të arratisen me një tjetër makinë ngjyrë të errët.
