Në procesin gjyqesor në ngarkim të të dy të pandehurve, Ilir Selmani dhe Elvis Gacaj për vrasjen e ish efektivit Santiago Malko në gusht të 2019, u shfaqen pamjet e kamerave te sigurisë.
Gjate seances u shfaqen edhe pamjet dhe itinerari i dy te akuzuarve, Selmani e Gaçaj, te cilet sipas prokurorit Behar Dibra, e kane ndjekur para ekzekutimit ne zonen e Porcelanit, në rrugën “Xhanfize Keko”.
Santiago Malko u ekzekutua me breshëri kallashnikovi brenda makinës së tij tip “BMË X5”, po në të njëjtën rrugë, pamje këto të siguruara nga lavazhi ku i riu gjeti edhe vdekjen.
Dy të dyshuarit e pritën viktimën për disa sekonda dhe i dhanë sinjal të ndalonte, biseduan pak çaste secili brenda makinës së vet, më pas hapën zjarr mbi Malkon, e ky i fundit u përplas me koshin e mbeturinave.
Dy personat e akuzuar për këtë ngjarje, Ilir Selmani dhe Elvis Gaçaj më pas morën rrugën dytësore, duke lënë të vdekur në vend ish efektivin.
Per kete ngjarje u denua pak kohe me pare me 25 vjet heqje lirie Blendi Teta. Ndërkohë pas pezullimit ka nisur gjykimi vecmas ne mungesë per Leonard dhe Erlis Duka, “Klani Duka” te cilet akuzohen se jane te perfshire ne organizimin dhe vrasjen e ish-policit Santiago Malko i cili njihej si njeri i afert i te zhdukurit, Ervis Martinaj.
Ndërkohë seanca u ndoq edhe e ëma e të ndjerit, Santiago Malko, e momenti kur i biri iu ekzekutua me breshëri automatiku, e bëri atë të shpërthente në lot.
