Kryeministri Edi Rama ka reaguar pas paralajmërimit të ambasadores së SHBA-ve në Shqipëri , Yuri Kim, sipas së cilës, mund të ketë marrëveshje prapa krahëve për të vrarë reformën në drejtësi.
Rama theksoi se dakordësohet me deklaratën e diplomates amerikane, ndërsa ka shpërndarë edhe një thënie të William Shakespeare: “Ferri është bosh dhe gjithë djajtë janë këtu”.
Kim përsëriti pak më parë domosdoshmërinë për përparimin e reformës.
“Shpresoj që fjalët për një marrëveshje prapa krahëve për të vrarë reformën në drejtësi në Shqipëri të mos jenë të vërteta. Reforma është e dhimbshme, e ngadaltë & jo perfekte por është e nevojshme, po bën përparim & duhet të vazhdojë”, thuhet nw postimin e Kim.
