Martina Pajollari u la në masën e sigurisë arrest me burg nga Gjykata e Korçës, për vrasjen e Martin Çeços.
Në dëshminë e saj para togave të zeza, 18 vjeçarja ka mohuar gjithçka lidhur me ngjarjen e 18 qershorit të këtij viti.
Ajo ka thënë se nuk ka asnjë lidhje me ngjarjen madje ka shkuar më tej, kur tha se gjithcka ka thënë para grupit të hetimit e ka bërë nën presionin e Policisë.
Martina është shprehur gjithashtu se prej 1 viti nuk komunikonte me 3 të arrestuarit e tjerë, kushërinjtë Valter dhe Edlir Mollaj si dhe Bleti Angjo të cilët janë duke qëndruar në burgun e Drenovës.
