Një vrasje e dyfishtë tronditi Velipojën mbrëmjen e së hënës. Rreth orës 21:00, 6 plumba i morën jetën dy kunetërve, Ersild Ishmit 33 vjeç dhe Arsid Hoxhës 22 vjeç, ndërsa i plagosur mbeti kamarieri, Zyber Zagradi.
Autor të ngjarjes janë identifikuar dy vëllezerit Eduart dhe Gëzim Frroku të shpallur në kërkim, ndërsa policia arrestoi kamerierin e plagosur dhe Mario Palin, i përfshirë edhe ky në konflikt.
Lexo edhe :
Related Posts
Numri një i drejtorisë vendore të policisë Shkodër, Edmond Sulaj bëri me dije se zanafilla e këtij konflikti është ajo e 2 muajve më parë, në 28 qershor, në hotelin Holiday në pronësi të vëllezërve Frroku.
“Shkak i konfliktit ka qenë një debat mes viktimave dhe vellezërve frroku pronar te hotel holiday. Ngjarja e ka zanafillen që në date 28 qershor, ku ne ambientet e hotel “Holiday” ka pasur një debat mes kamarierit dhe kuzhinierit te ketij hoteli. Si rezultat i ketij debati, ne 14 qershor policia Shkodër ka bërë të mundur ndalimin e Ishmit”, tha Sulaj.
Kamerat e sigurisë së lokalit në hotelin “Holiday”, në pronësi të vëllezërve Frroku, të siguruara nga vizion plus, e dokumentuan konfliktin e 28 qershorit, ku debati mes kamarierit dhe kuzhinierit, përfshiu edhe 33 vjecarin Ishmi, i cili kanosi me armë zjarri kuzhinierin e lokalit.
Në konflikt më pas u përfshi edhe njëri nga pronarët e hoteli, i cili i ka marrë armën nga dora 33 vjecarit Ishmi, që më pas është larguar pasi ka dëgjuar sirenat e policisë.
Ai u arrestua më 14 korrik nga policia pas dokumentimit të ngjarjes dhe ndaj tij gjykata vendosi masën e sigurisë “arrest shtëpie”. Por ngjarja nuk është harruar nga ana e tij dhe palët janë takuar sërish të hënën në mbrëmje, kur ndodhi dhe konflikti që degjeneroi në përdorimin e armëve.
Sipas xhaxhit të dy vëllezërve ngjarja mund të ishte shmangur nëse 33 vjeçari do të lihej në burg.
“Jam Zef Frroku i vëllai i Leksit, që ka këtë hotelin këtu. Nga data 28 që e kam pa në televizor, kanë ardh dhe janë konfliktu para hotelit të vëllait tim. Ka nxjerrë armën ai zotëria siç e kemi parë në TV, edhe e ka marrë shteti dhe e ka çuar në burg dhe e ka liru për dy ditë. Mbrëmë kanë ardhur sërish, se për kë ne nuk e dimë, rrezik për ne rrezik dhe për ata. Ai prokuror dhe ai gjykatës që i ka lëshu nuk i ka ba mirë as shtetit, as familjes së atij, as neve. Nuk e di se ku ndodhen se s’kemi komunikim, po këtij shteti është vështirë me iu dorëzu kush, këtyre prokurorëve se e kanë bërë vendin rrush e kumbulla, po marrin në qafë të ndershmit e po favorizojnë kriminelët”, tha ai.
Arsid Hoxha dhe Esild Ishmi hmbën jetën në spital, pasi nuk I mbijetuan dot plagëve të rënda.
Policia dhe forcat e ndërhyrjes së shpejtë bënë sekuestrimin e pamjeve të kamerave të sigurisë së disa bizneseve, si dhe shoqëruan disa shtetas si dëshmitar në vendngjarje. Pika kontrolli janë ngritur në hyrje -dalje të Velipojës dhe qytetit të Shkodrës me qëllim arrestimin e autorëve të dyshuar të ngjarjes. /vizionplus.tv
