Klodian Çalamani, autori i vrasjes së 8-vjeçarit në fshatin Grecalli të Fierit, është dërguar në burgun e Vlorës nën masa të rrepta sigurie, me qëllim për të shmangur një sulm të mundshëm në burgun e Fierit.
I shoqëruar nga forcat e policisë, 38-vjeçari ka shkuar menjëherë në izolim për të shmangur kontaktet me të burgosurit e tjerë.
Gjykata e Fierit sot caktoi masën e sigurisë arrest me burg për Çalamanin. Familjarët e viktimës mësynë në ambientet e gjykatës, duke kërkuar sallën ku mendonin se mbahej 38-vjeçari. Ata kanë nisur të mbledhin firmat e qytetarëve për të dhënë dënimin me vdekje për Çalamanin.
