Ish kreu i KQZ-së, Kristaq Kume tha se emigrantët kanë fuqinë që të përcaktojnë se kush do të udhëheq vendin tonë.
I ftuar në Quo Vadis në Vizion Plus nën moderimin e Pranvera Borakajt, Kume u shpreh se mund të ishin venë kufizime siç renditi se a kanë lindur apo jo në Shqipëri votuesit, a kanë të njëjtën peshë vota e diasporës me atë të votuesve këtu.
“Emigrantët me votën e tyre mund të përcaktojnë se kush mund të na qeverisë neve këtu. Kjo çështje duhet gjithmonë të trajtohet dhe zgjidhet, si dhe peshës së votës, të drejtës së votës, mund të vihen kufizime, si për shembull, sa kohë ke që ke ikur, sa kohë ke pa ardhur në Shqipëri. Pra, vota jote do të jetë e barabartë me shqiptarët këtu. A ke lindur apo jo në Shqipëri”, tha Kume në Quo Vadis.
