Voskopoja si fshat turistik tërheq me dhjetera e mijëra pushues vendas e të huaj si një nga atraksionet kryesore turistike në rajonin e Korçës.
Veçanërisht në fundjavë Voskopoja frekuentohet nga turistë të shumtë, mes të cilëve nuk mungojnë hera herës edhe personalitete të kulturës nga vende të tjera.
‘Kënaqësi të shoqëroja në Voskopojë politikanin, kritikun e artit dhe opinionistin Italian Vittorio Zgarbi dhe stafin e tij’ njofton drejtori I Drejtorisë Rajonale të Trashëgimisë Kombëtare Gjergji Koki.
Ai theksoi se Voskopoja dhe Korça mbeten modele të zhvillimit dhe turizmit dhe si të tilla përditë e më shumë tërheqin vëmëndje.
Voskopoja krahas vlerave natyrore që afron si një fshat malor për pushime gjithë vjetore, me trashëgiminë e saj historike dhe sidomos atë të kishave të saj zgjon një interes të pashtershëm për ta njohur nga afër, duke u bërë edhe objekt studimi nga specialistë të fushave të ndryshme.
