E hënë, 16 Nëntor 2026 7 PA 5 Live deri në 09:00 Në vijim ora 09:00: Mes'dritë Live Reklamo Kontakt Karriera
Vizion Plus
Breaking përditësuar 29 sekonda më parë
Video · Vendi

Vonohet avioni? Merrni kompensim, kompanitë janë të detyruara t’ju japin para, për shpenzimet në aeroport

Gjatë sezonit veror rriten ndjeshëm fluturimet ajrore për shkak edhe te pushimeve që prenotojnë qytetarët, e bashkë më këtë situatë shtohen vonesat e kompanive ajrore për të respektuar skedulin e fluturimeve.

 

Ky kaos ka përfshirë shumë aeroporte dhe përjashtim nuk bën aeroporti “Nënë Tereza”, ku së fundmi kompani “Low cost” shtyjnë oraret apo i anulojnë fluturimet. Por cilat janë të drejtat e pasagjerëve dhe çfarë duhet të dinë ata?

 

Reklamë

Fillimisht, për çdo vonesë deri në tre orë, kompensohen faturat e shpenzimeve për ushqimet që janë konsumuar.

 

“Për vonesa mbi dy ore dhe nën tre orë pasagjeri për ato që konsum për të ngrënë dhe për të pirë i kompensohet një shumë e caktuar, e cila nuk mund të jetë më shumë se 30-40 euro për person.” – shprehet Vigan Bujupi ekspert fluturimesh.

 

Por çfarë ndodh nëse rast se vonesa kalon mbi 3 orë dhe cilat janë të drejtat dhe masat e kompensimit?

 

“Për vonesa mbi 3 orë përveç ushqimit, kompensohet 250 euro për distancat 1500 km, 400 euro për distancat 1500-3500 km dhe 600 euro për distancat e largëta mbi 3500 km.”

 

Procedura e aplikimit për të marrë paratë, kryhet on-line por shumë qytetarë nuk janë të familjarizuar me këto të drejta, ndaj agjentë në treg e ofrojnë këtë shërbim për pasagjerët. Por pse kompanitë “low cost” janë më të prekura nga ky fenomen?

 

“Avioni i një kompanie low cost qëndron në pistë jo më shumë se 25 minuta, pasi i njëjti avion vjen nga Italia shkon në Londër apo në një tjetër destinacion. Koha e ndërrimit të orareve është shumë e shkurtër dhe krijon vonesa edhe për aeroportet pritëse që detyrohen t’i ofrojnë destinacion tjetër për ulje.”

 

Pranë aeroportit “Nënë Tereza” ka një sportel, edhe Autoriteti i Aviacioni Civil i cili pret ankesat e qytetarëve dhe shërben si orientim për pasagjerët. Kompensimet financiare nuk janë të vlefshme për arsye madhore që nuk varet nga kompania, siç mund të jetë moti i keq.

Më shumë video

Reklamë