Deputetja e zgjedhur, Albana Vokshi i është drejtuar me një letër zyrtare trupit diplomatik në Shqipëri.
Në letër adresohen një sërë problematikash që sipas saj po rrezikojnë seriozisht lirinë e medias në Shqipëri si: ndalimi i gazetarëve të akredituar në Kuvend për të marrë pjesë në Komisionet Parlamentare dhe censurimi i tyre, rreziku nga miratimi i paketës “anti-shpifje”, si dhe kapja e Këshillit drejtues të RTSH dhe Bordit të AMA-s.
Ajo iu kërkon diplomatëve të ushtrojë çdo influencë mbi qeverinë shqiptare për të ndaluar çdo veprim që cenon lirinë e fjalës, lirinë e medias dhe të drejtën kushtetuese për informim.
Letra i është dërguar Delegacionit të BE, Ambasadës së SHBA, prezencës së OSBE, Këshillit të Evropës,Komisioneres për të Drejtat e Njeriut në Këshillin e Europës Mijatovic, Komisionereve Maryia Gabriel dhe Dubravka Suica, Presidentes së Forumit te Grave të PPE Doris Pack si dhe të gjitha organizatave ndërkombëtare që trajtojnë cështje të medias si RSF, TI, Freeeom House etj.
