Partia më e madhe e opozitës në Maqedoninë e Veriut, VMRO-DPMNE, do të ndërmarrë hapa të mëtejshme për të arritur qëllimin e saj: zgjedhjet të parakohshme.
Kryetari i kësaj partie Kristian Mickoski, nënvizoi se vendimi për të bojkotuar seancat parlamentare synon të mbrojë interesat e qytetarëve.
HRISTJAN MICKOSKI
KRYETAR I VMRO-DPMNE
“Do të ketë hapa të tjerë, nuk do të jenë vetëm bllokada, organet partiake do të komentojnë për hapat e tjerë në vijim. Unë thashë se kjo do të zgjas si bllokadë, sepse ne vlerësojmë që për momentin gjendja në vend nuk po shkon në drejtimin e duhur dhe se ne kemi shumë probleme. Kjo qeveri padyshim nuk ka kapacitet për t’i zgjidhur ato, kështu që është normale dhe legjitime që pasi patëm një numër të madh votash, të kërkojmë zgjedhje të parakoshme parlamentare”
Sipas liderit të opozitës maqedonase, në rast se do të zhvilloheshin zgjedhjet e parakohshme, VMRO-DPMNE do të siguronte 61.
HRISTJAN MICKOSKI
KRYETAR I VMRO-DPMNE
“Të ardhmen e maqedonisë sonë do ta formësojmë në bazë të nevojave të qytetarëve. Nëse tani kemi zgjedhje të parakohshme parlamentare, procedura do të fillojnë sa më shpejtë dhe ju garantoj se vmro-dpmne me koalicion do të ketë 61 deputetë. Kjo është arsyeja pse as bdi dhe as lsdm nuk duan zgjedhje të parakohshme”
Bojkoti i opozitës në Maqedoninë e Veriut vjen pasi kryeministri aktual, Dimitar Kovaçevski refuzoi kërkesën e kryetarit opozitar, Hristijan Mickoski, për një takim ku do të caktohej data për mbajtjen e zgjedhjeve të parakohshme parlamentare.
Bojkotit i janë bashkuar edhe dy deputetët e Lëvizjes Besa. Aleanca për shqiptarët edhe pse pajtohet me kërkesën për zgjedhje të parakohshme nuk ka bllokuar seancat parlamentare.
