Vllaznia mbajti gjallë ëndrrën për tu kualifikuar në fazën e grupeve të Uefa Champions League.
Vajzat kuqeblu siguruan një barazim 1 me 1 kundër Vorskla Kharkiv në sfidën e parë të play off, e cila u luajt në stadiumin “Loro Borici”.
Ukrainaset luajtën si ekip pritës në pamundësi për ti zhvilluar ndeshjen në fushën e tyre ku është zonë lufte.
Rivalet e Vllaznisë luajtën më mirë në pjesën e parë por nuk arritën të konkretizimin, dhe jo vetëm kaq por r pësuan në fillim të pjesës së dytë kur kuqeblutë shënuan një gol shumë të bukur me anë të kapitenes Megi Doci.
Mirëpo festa e shkodraneve nuk zgjati shumë pasi Vorskla Kharkiv fitoi një 11-metërsh. Gjuajtjen e Kalininas nuk arriti ta neutralizojë plotësisht Ulliamas, portjerja e Vllaznisë, dhe topi i kthyer në lojë u dërgua në rrjete Kravchuk.
Pas sfidës golashënuesja rekordmene e Vllaznisë, Megi Doci u shpreh optimiste për një kualifikim të madh në fazën e grupeve .
Megi Doci-Futbolliste e Vllaznise
Kënaqesi shënimi i golit dhe pse nuk fituam dot. Mendoj se bëm një ndeshje të mirë ,mendoj se kemi një shans tjetër dhe objektivi ynë është kualifikimi.Tani e njohim kundërshtarin ,ja dimë pikat e dobëta kështu që do bëjmë më të mirën.
Ndeshja kthimit do të luhet pas një jave përsëri në “Loro Boriçi”, aty ku Vllaznia nevojitet të fitojë për tu future në historinë e futbollit të vajzave në vendin tonë.
