Lajme të mira vijnë nga Turqia, ku ndodhet i shtruar prej dy javësh komentatori i njohur sportive Kostandin Grillo për shkak të sëmundjes së COVID-19.
Trajtimi mjekësor me qeliza të reja po jep rezultate pozitive dhe gjendja e tij shëndetësore është drejt përmirësimit. Kolegu i tij, gazetari Ervin Petraq Baku tregoi se për herë të parë pas dy javësh ka folur me Grillon dhe gjendja e tij i është dukur shumë e mirë.
“Një situatë pozitive sot lidhur me shëndetin e KOSTËS. Mjekimi me qelizat e gjakut duket se po jep një reagim shumë poziti. Çka do të thotë se KOSTA ka larguar shumë rrezikun, që ishte i pranishëm . Doktorët sot kanë parë një reagim shumë pozitiv. Kjo pasi analizat e gjakut po rikthejnë trupin drejt një normaliteti pas kaq e kaq ditesh ku ai ishte i rënduar ..🙏🙏🙏🙏..Kosta sot ka kërkuar pas 10 ditësh ushqim. Diçka shumë pozitive. Ndryshimi është prezent nga dita e sotme me analiza dhe me pamjen vizuale. Zoti është i madh dhe vetëm ai bën mrekullira. Sapo fola me Kostën, fola me kamera. Ishte mirë, buzëqeshi, foli mirë. Po i masnin oksigjenin. Le të vazhdojmë të lutemi. Besoj se ka marrë kthesën e madhe për mirë.”
