Jo vetëm problemet e frymëmarrjes, por edhe problemet e zemrës, veshkave dhe trurit. Covid-19 shpesh ka qenë përgjegjës për infeksione në shumë organe, me ndërlikime përfshirë edhe ato neurologjike. Departamenti i neurologjisë në spitalin universitar të Brescia-s hapi një pavion të vecante për të gjithë ata paciente që u trajtuan për Covid-19 dhe që patën pasoja nga ky virus.
Reparti i ri u quajt NeuroCovid, i vetmi në llojin e tij i hapur në Itali. Ky sherbim u drejtua nga profesori Alessandro Padovani, drejtues i Njësisë së Neurologjisë dhe profesor i plotë në Universitetin e Brescia.
Ai shpjegon: “Për pacientët me Covid rreziku i zhvillimit të një goditje në tru është 1.5 herë më i madh se ata që nuk sëmuren. Kjo është arsyeja pse do të ishte e dëshirueshme që “të paktën 75-80% e të moshuarve të vaksinohen kundër gripit sezonal”.
Por kush u prek nga virusi kishte më shumë të ngjarë të zhvillonte një goditje në tru?
“Komplikimet neurologjike të vazhdueshme për pacientet që kluan Covid janë të njëjta siç kemi parë në shpërthime të tjera të gripit, vetëm kësaj radhe ato kanë qenë më të shumta sepse infeksioni Covid ishte më i rëndë. Komplikimet e vërejtura janë të tre kategorive. Një grup tjetër i pacientëve kishin një numër më të madh të komplikimeve ishemike sepse ky virus karakterizohet nga një reagim i lartë inflamator. Dhe kjo është ajo që përcakton një ndërlikim të shtuar tromboembolik. Do të thotë që pacientët mund të bëhen të komplikuar dhe të zhvillojnë dëmtim të trurit për shkak të embolisë ose trombozës së enëve të trurit. Kategoria e tretë është rritja e rasteve të meningjitit dhe encefalitit: një ndërlikim i rrallë që ka prekur një numër të kufizuar njerëzish “, u shpreh professor Padovani.
Të dhënat sipas, doktorit të njohur, tregojnë se Covid-19 luajti një rol në zhvillimin e këtyre problemeve ishemike …
«Covid, si gjendjet e gripit nëse shoqërohet me një reagim të rëndësishëm inflamator, rrit rrezikun e shfaqjes së episodeve cerebrovaskulare. Rritja e rrezikut është 1.5 herë më shumë sesa ata që nuk sëmuren. Peshojnë mosha dhe faktorët predispozues. Kjo është arsyeja pse do të ishte shumë e rëndësishme që të moshuarit të vaksinohen kundër gripit sezonal. Them të paktën 75-80%. Hipoteza është se ata që u vaksinuan kishin një reagim më pak serioz ndaj infeksionit Covid-19 se të tjerët. Kjo nuk do të thotë që ju jeni imun nga Covid-19, por zvogëlon rrezikun për të patur ngjarje të pafavorshme “.
