Era e fortë e cila ka nisur prej ditës së djeshme ka favorizuar përhapjen e vatrës së zjarrit në Parkun Kombëtarë të Lurës në afërsi të liqenit të luleve.
Prej tri ditësh dhjetëra forca të Agjencisë së Zonave të Mbrojtura, bashkisë Dibër, policisë së shtetit dhe banorë të zonës janë në luftë me flakët, por në disfavor kanë erën e fortë e cila nuk lejon izolimin e vatrës së zjarrit.
Lexo edhe :
Related Posts
Edhe ndërhyrja e një dite më parë e helikopterit të Ministrisë së Mbrojtjes nuk ka dhënë efektin e pritshëm pasi flakët janë përhapur me shpejtësi të madhe. Burime nga grupet e aktivizuara në terren për fikjen e zjarrit thanë se puna po vijon pa ndërprerje nga toka, ku ekipet po tentojnë që të izolojnë përhapjen e flakëve dhe të minimizojnë sa më shumë dëmin që shkaktohet nga zjarri.
Ndërkohë, burimet nga mbrojtja civile në Dibër thanë se nëse nuk do të mund ta izolojnë vetë zjarrin e rënë në Parkun Kombëtar të Lurës do të detyrohen të kërkojnë ndihmë nga forcat e armatosura për t’ju bashkuar ekipeve të tjera në terren.
Sa i përket zjarrit në malin e fshatit Peladhi ai është izoluar mbrëmjen e kaluar, por mund të riaktivizohet për shkak të erës së fortë që po fryn edhe në këtë zonë.
/vizionplis.tv
