Situata në zonën e Rrjollit këtë të shtunë u përshkallëzua në përplasje të tjera mes banorëve dhe punonjësve të kompanisë së ndërtimit, të cilët nuk i lejuan ata të futeshin në tokat që pretendojnë pronësinë.
Përplasja degradoi në përdorimin e e shkopinjve të gomës dhe sendeve të forta, ndërsa banorët dëmtuan eskavatorët e firmës së ndërtimit.
Disa prej banorëve u lënduan dhe u dërguan në spital për ndihmë mjekësore.
Prej gati një muaj banorët e Baks Rrjollit kanë kundërshtuar investimin në tokat për të cilat ata pretendojnë se kanë dokumentet që vërtetojnë pronësinë e tyre.
