Zjarri në zonën e Peshtanit ka nxjerr në rrugë municion luftarak. Fare pranë rrugës Fier- Cakran është gjetur një kuti e mbushur me fishekë të cilat përdoren për automatikë kallashnikov.
Nuk dihet se cilës periudhë i përkasin por mendohet që janë fshehur në këtë zonë nga trazirat e vitit 1997.
Shpërthimi i fishekëve është dëgjuar edhe një ditë më parë ndërsa një sasi e madhe e tyre si pasoje e flakëve kanë dalë edhe në rrugë. Banorë të zonës deklaruan jashtë kamerave se në këto ditë kur pylli është përfshirë nga flakët shpesh janë dëgjuar shpërthime të fishekëve, ndërsa arkat me municion kanë dalë edhe në aksin rrugor.
Nuk dihet nëse ka të tjera municione me këtë zone dhe të kalibrit më të madh, ndërkohë që situata nga zjarret vazhdon të jetë në alert.
