Performanca e çuditshme e qitësit turk Yusuf Dikec në garën mikse me pistoletë me ajër në 10 metra në Olimpiadën e Parisit ka shkaktuar mjaft komente në rrjetet sociale.
Ai garoi në një mënyrë të pazakontë duke mos përdorur syzet e posaçme për këto gara dhe me duar në xhepa duke fituar ndërkohë medalje argjendi.
Olimpiyat tarihinin en karizmatik olaylarından biri; Astsubay Kıdemli Başçavuş Yusuf Dikeç…
Hiçbir teçhizatı olmadan, bir eli cebinde atış yaparak Olimpiyat gümüş madalyasını Türkiye’ye getirdi.
Tabancasında ise Ay yıldızımız… pic.twitter.com/VmSkfN67UG
— Batuhan Çolak (@batuhancolak33) July 31, 2024
Shumica e qitësve në Lojërat Olimpike përdorin kufje për të mbrojtur veshët nga zhurma kur qëllojnë dhe vendosin syze të specializuara që errësojnë vizionin në njërin sy, në mënyrë që konkurrentët të mos kenë nevojë ta mbajnë të mbyllur.
Për Dikec kjo ishte pjesëmarrja e tij e pestë në një Olimpiadë. Ai bëri debutimin e tij në vitin 2008, kur megaeventi sportiv u mbajt në Pekin, por fitorja e argjendit të Paris është medalja e tij e parë olimpike.
Gjatë karrierës së tij të gjatë prej më shumë se dy dekadash, Dikec ka fituar medalje të shumta ari në Kampionatin Botëror të ISSF, Kupën Botërore të ISSF, Kampionatin Evropian dhe Lojërat Evropiane.
Ai studioi në Shkollën e Trajnimit Fizik dhe Edukimit të Universitetit Gazi në Ankara dhe më vonë kreu një master në Universitetin Selcuk në Konya. /vizionplus.tv
