Një sherr ka ndodhur mes nxënëseve të shkollës 9-vjeçare Kongresi i Manastirit në Tiranë.
Në video, duket se disa vajza konfliktohen me njëra-tjetrën dhe më pas nisin përplasjen fizike.
Disa prej tyre hedhin në tokë bashkëmoshataren dhe e godasin me shkelma ndërsa i shkulin flokët. Ato zihen pranë ambienteve të shkollës dhe përdorin fjalor rruge. Të tjerët as nuk përpiqen të futen mes tyre që t’i japin fund këtyre pamjeve aspak të këndshme për t’u parë, por bëjnë gati telefonat për të filmuar sherrin.
Nuk dihet çfarë e ka shkaktuar sherrin mes tyre, por këto pamje nuk janë ato çfarë duhet të shohim nga nxënësit që dalin nga dyert e shkollës.
