E enjtja ishte dita më e ngrohtë e vitit deri më tani në Britaninë e Madhe, e për pasojë mijëra njerëz u grumbulluan në plazhin Bournemouth në Angli.
Ministrat kanë paralajmëruar se plazhet në Mbretërinë e Bashkuar mund të mbyllen nëse të infektuarit vijojnë të rriten. Kryeministri Boris Johnson u shpreh se në disa vende njerëzit “nuk po e respektojnë distancimin shoqëror”.
“Ju mund të mendoni se jeni të pavdekshëm dhe të paprekshëm. Ka shumë të ngjarë që kjo mund të rezultojë e vërtetë nëse jeni i ri. Mirëpo, virusi që mbani mund të vrasë më të moshuarit. Jemi akoma të rrezikuar.”
Kryeministri foli pas deklaratës së OBSH-së, ku pohoi se Evropa ka parë një rritje të rasteve javore të Covid-19 për herë të parë, pasi lehtësimit të kufizimeve.
Drejtori i Këshillit për Shëndetin Publik, Sam Crwëe është gjithshtu i shqetësuar në lidhje me rrezikun e transmetimit të koronavirusit në mjedise të mbyllura. Gjashtë javë më parë, kur kryeministri njoftoi hapat e parë të zhbllokimit, numri i infeksioneve të diagnostikuara rishtazi ishte rreth 4 mijë në ditë. Këto shifra kanë rënë me tre të katërtat.
Pamjet nga Bournemouth tregojnë plazhe që janë të tejmbushur me njerëz, duke rrezikuar transmetimin e virusit.
Ekspertët dhe zyrtarët e shtetit janë tronditur nga këto pamje, duke e konsideruar një “incident të madh”.
Kryetar i Këshillit në Bournemouth, Vikki Slade u shpreh se: “Papërgjegjësia e qyetatërve është tronditëse. Kemi bërë përpjekje me të gjitha kapacitetet tona për të mbajtur njerëzit e sigurt, por ka qenë e pamundur dhe nuk na mbetet tjetër veçse të fillojmë të reagojmë urgjentisht”.
Policia raportoi disa incidente, si përleshje të dhunshme mes të rinjve dhe përplasje me thika.
