E hënë, 16 Nëntor 2026 Trashëgimtari Halef deri në 13:15 Në vijim ora 13:15: Dielli i Dimrit Reklamo Kontakt Karriera
Vizion Plus
Breaking përditësuar 15 minuta më parë
Bota

VIDEO/ Nuk pranoi të paguaj shezlong, momenti tronditës kur turisti dhunohet nga stafi i biznesit në plazh

Një incident i dhunshëm ndodhi në plazhin Damlataş të Antalias, ku një turist britanik u rrah nga një punonjës resorti pasi refuzoi të paguante për një shezlong. Turisti, pas pyetjes për çmimin dhe refuzimit për ta marrë, vendosi sendet e tij në rërë, gjë që shkaktoi përplasjen me punonjësin, i cili i kërkoi të largohej. Kur turisti refuzoi, situata eskaloi dhe përfundoi me goditje fizike, të cilat u filmuan nga të pranishmit.

Përplasja u përshkallëzua kur disa persona ndërhynë për të ndarë dy burrat, ndërsa videoja u përhap me shpejtësi në rrjetet sociale, duke shkaktuar reagime të forta.

Pas ngjarjes, prefekti i distriktit urdhëroi mbylljen e biznesit që menaxhonte shezlongët, duke theksuar se një sjellje e tillë është e papranueshme dhe nuk përfaqëson mikpritjen që karakterizon turizmin turk. Ndërkohë, pronari i biznesit pretendoi se turisti ishte i dehur dhe kishte hedhur një shezlong para se të niste sherri.

Reklamë

Ky incident është vetëm një nga përplasjet e fundit që lidhen me përdorimin e shezlongëve në resortet turistike. Një tjetër ngjarje e ngjashme ndodhi në Lanzarote, ku një grua skoceze akuzoi një çift për zënien e vendit të saj dhe kërcënoi të thërriste menaxherin. Ngjarja u filmua nga pushuesi Callum Lines dhe u komentua gjerësisht në rrjet, duke nxjerrë në pah tensionet në rritje në zonat turistike për shkak të shezlongëve të “rezervuar”.

/vizionplus.tv

Vazhdo të lexosh

Reklamë