Gazetari i Vizion Plus, Esido Barkaj, ka zbardur detaje të reja nga ngjarja e rëndë e ndodhur ditën e sotme në burgun e Peqinit, ku mbeti i vrarë një i dënuar dhe u plagos një tjetër.
Burime për gazetarin Barkaj bëjnë me dije se vrasja e Arben Lleshit ka ndodhur brenda dhomës së ajrimit, ku ndodhej bashkë me Sokol Mjacajn dhe Indrit Shaqjan.
Lexo edhe :
Related Posts
Pas një debati mes tyre Mjacaj ka nxjerrë armën pistoletë e cila dyshohet se ka mbërritur brenda burgut me dron, dhe ka qëlluar në drejtim të Arben Lleshit duke e lënë të vdekur, ndërsa një nga plumbat ka plagosur Indrit Shaqjan.
Pas ngjarjes në burgun e Peqinit kanë mbërritur forcat RENEA të cilat pas një orë negociatash kanë arritur të neutralizojnë Sokol Mjacajn dhe më pas ta çojnë atë në Drejtorinë e Policisë së Elbasanit ku po merret në pyetje për të dëshmuar se çfarë e shty të kryejë krimin e rëndë.
Çfarë ndodhi në burgun e Peqinit
Në mesditën e kësaj të premte, teksa kanë qenë në ajrosje, Sokol Mjacaj ka qëlluar në drejtim të Arben Lleshit me një armë zjarri. Ky i fundit ngeli i plagosur, por nuk arriti tu mbijetonte dot plagëve, duke humbur jetën në spital. Ndërkohë që Indrit Shaqja, i cili ka tentuar që të mbrojë viktimën, ka mbetur i plagosur dhe aktualisht ndodhet në spitalin e Peqinit.
Arma e zjarrit, në burgun e sigurisë së lartë, mendohet se është futur nga ajri me dron. Për rreth dy orë, të dënuarit e tjerë, por edhe stafi kanë parë tmerr me sy, kjo për faktin se Sokol Mjacaj ka mbajtur peng stafin e kuzhinës.
Gardianët që ndodheshin aty, të pafuqishëm për të ndërhyrë dhe për të parandaluar përshkallëzimin e situatës, kanë njoftuar menjëherë forcat RENEA, të cilat pas disa minutash negociata arritën të neutralizojnë Mjacajn. Ky i fundit, për momentin ndodhet në drejtorinë e policisë në Elbasan, ku edhe po merret në pyetje nga prokurori.
Duke u bazuar në rrethanat e gjithë ngjarjes, që nga futja e armës së zjarrit me dron dhe deri tek ekzekutimi i Lleshit, një nga pistat që po hetohet është edhe ajo e porositjes nga jashtë.
Dyshohet se Mjacaj është paguar nga persona të tjerë, pikërisht për të ekzekutuar Arben Lleshin, i cili ishte i dënuar me burgim të përjetshëm për vrasje.
Viktima gjithashtu rezulton i dënuar nga drejtësia angleze me 32 vite burg për vrasjen e një bashkatdhetari, ngjarje e ndodhur disa vite më parë në Angli.
Ngjarja e rëndë ka ndodhur në 10 prill të vitit 2012 kur Lleshi atëherë 27 vjeç, i njohur si shpërndarës droge në Angli, dogji të gjallë brenda në makinën e tij Agim Hoxhën 29 vjeç në Sauthempton.
Ndërkohë, Afrim Lleshi 39 vjeç i cili atëherë u akuzua si bashkëpunëtor në këtë krim makabër, është shpallur nga Gjykata i pafajshëm në lidhje me këto akuza. Lleshi u ekstradua drejt Shqipërisë në vitin 2016, ku u transferua për të vuajtur dënimin në burgun e sigurisë së lartë në Peqin.
/Vizionplus.tv/
