Zyrtari i Lartë i Komisionit Europian Thomas Hagleitner është përplasur ashpër me eurodeputeten greke greke Anna-Michel Asimakopoulou, lidhur me çështjen “Beleri”.
Ndërsa eurodeputetja greke kërkoi që në komision të diskutohej për çështjen Beleri, Thomas Hagleitner u shpreh se kjo nuk është çështje “europiane”.
“Ne nuk mund të komentojmë mbi hetimet që vazhdojnë por, ne kemi bërë dhe vazhdojmë të bëjmë thirrje që procesi te jetë i rregullt. Në të njëjtën kohë është e rëndësishme që ne të vazhdojmë të mbështesim SPAK-un, strukturën kundër krimit të organizuar”, tha Hagleitner.
Eurodeputetja greke e cilësoi rastin e kryebashkiakut të zgjedhur të Himarës, Fredi Beleri, si “evropian ”, gjatë debatit në Komisionin e Jashtëm të Parlamentit Europian për situatën politike në Shqipëri.
Asimakopoulou deklaroi se: “të hënën është dhënë një shtyrje e dytë për çështjen e Fredit Beleri dhe shtyrja ka të bëjë me kërkesën e tij për të marrë leje për t’u betuar, siç kërkohet nga respektimi i prezumimit të pafajësisë”.
Ndërsa shtoi se këtë e kërkoi edhe kryeministri Kyriakos Mitsotakis në Samitin BE-Ballkani Perëndimor, jo sepse Fredi Beleri i përket pakicës etnike greke të Shqipërisë, por sepse është një rast evropian i respektimit të shtetit të së drejtës. në një vend kandidat për anëtarësim.
/Vizionplus.tv/
