E hënë, 16 Nëntor 2026 Mes'dritë Live deri në 12:00 Në vijim ora 12:00: Lajme Ora 12:00 dhe Moti Reklamo Kontakt Karriera
Vizion Plus
Breaking përditësuar 42 minuta më parë
Video · Kronikë

VIDEO/ “Ha bukë me TikTok-un ti?” I publikoi foto intime 27-vjeçares, del para gjykatës Altin Çoku

Ditën e sotme do të dalë para gjykatës Altin Çoku, i cili dyshohet se shkaktoi vetëvrasjen e 27-vjeçares Sibela Abedini, pas publikimit të një fotoje intime në TikTok.

Ai është shoqëruar nga dy policë në sallën e gjyqit, teksa të pranishmit në sallë i drejtojnë disa pyetje.

Sipas familjarëve, Sibela kishte filluar të punonte si pastruese në shtëpinë e Altin Çokut, i cili kishte kërkuar një grua për mirëmbajtjen e shtëpisë, pasi kishte gruan të sëmurë.

Por pas kësaj, ata dyshohet se kanë pasur një takim në një hotel, ku edhe kanë realizuar një foto intime bashkë, e cila më pas u shpërnda në rrjetin socisl Tik Tok.

Reklamë

Tezaj e viktimës, ka hedhur dyshimet se mbesa e saj nuk ka kryer vetëvrasje, pasi nuk do e linte kurrë jetime vajzën e mitur, dhe akuzon Çokun se e ka hedhur nga kati i katërt i banesës.

Këto dyshime janë shtuar më shumë nga vëllai i viktimës. Për mediat, ai tha se në momentin që ndodhi ngjarja e rëndë në pallat ishin dy persona, një në katin e katërt dhe një në katin e parë. /vizionplus.tv

Më shumë video

Reklamë