E hënë, 16 Nëntor 2026 Mes'dritë Live deri në 12:00 Në vijim ora 12:00: Lajme Ora 12:00 dhe Moti Reklamo Kontakt Karriera
Vizion Plus
Bota

VIDEO/ Gruaja në Iran hip e zhveshur mbi makinën e policisë, pamjet bëhen virale

Një video e momentit kur një grua në Iran hoqi rrobat dhe hipi në një makinë patrullimi po qarkullon dhe po shkakton shumë reagime. Ngjarja ndodhi në qytetin e Mashhadit, i dyti më i madh në Iran, ku gruaja shihet duke u bërtitur policëve të armatosur dhe më pas hipi në makinën e patrullës për të vazhduar protestën e saj.

Në video, njëri prej policëve duket i pasigurt dhe heziton të prekë gruan, duke treguar një skenë të sikletshme. Videoja, e publikuar nga gazetari dhe aktivisti Masih Alinjad, përfundon me gruan që tund krahët dhe vazhdon të bërtasë. Sipas bashkëshortit të saj, gruaja është duke marrë përkujdesje, por nuk ka informacione nëse është arrestuar apo jo.

Arsyet e protestës së gruas nuk janë bërë të ditura, por shumë komentues sugjerojnë se bëhet fjalë për një tjetër incident që lidhet me ligjet e rrepta iraniane, të cilat ndëshkojnë gratë që ekspozojnë flokët, duar dhe këmbë në publik. Ky ligj ishte “ngrirë” pas reagimeve ndërkombëtare, por duket se ende ka shkak për mosmarrëveshje dhe protesta.

/vizionplus.tv

Reklamë

Vazhdo të lexosh

Reklamë