VIDEO EKSKLUZIVE/ Të shtëna me armë dhe rinj të shtrirë në trotuar, dalin pamjet pas krimit në Itali ku u vra një 27-vjeçar shqiptar

Vizion Plus ka siguruar pamjet e krimit të rëndë të ndodhur mbrëmjen e kaluar në një lokal në rrugën “Aldo Moro” në Frosinone, ku pas një sherri me shqiptarëve, është vrarë një 27-vjeçar dhe janë plagosur tre të tjerë.

Siç shihet edhe në videon e siguruar nga Vizion Plus, dy të rinj shihen të shtrirë në tokë, ndërkohë që forcat e emergjencës u japin ndihmën e parë.

Lexo edhe :

Related Posts

EMRAT-FOTO/ Identifikohet 23-vjeçari shqiptar që vrau bashkëatdhetarin në Itali, në kërkim tre të tjerë

Qëlloi 10 plumba mbi bashkëatdhetarët, flet 23-vjeçari: Sherri nisi për një vajzë, e bëra për vetëmbrojtje

“Na more shpirtin” u vra nga bashkatdhetari në Itali, jeta luksoze e Kasem Kasmit dhe konflikti për një vajzë

Ngjarja

Gjithçka nisi në ambientet e lokalit “Shake” në rrugën “Aldo Moro” në Frosinone, ku 4 shqiptarë të ulur në një tavolinë filluan debatin me 5 të tjerë po me origjinë shqiptare të ulur në një tavolinë tjetër.

Pas grindjeve mes tyre, 23-vjeçari Mikea Zeka ka nxjerrë pistoletën duke qëlluar 10 plumba në drejtim të grupit tjetër, ku një prej tyre kapi në gjoks 27-vjeçarin Kasen Kasmi i cili humbi jetën në vend, ndërsa dy persona të tjerë mbetën të plagosur.

Në rrugën paralele me Via Aldo Moro, policia sekuestroi makinën me të cilën grupi i sulmuesve kishte mbërritur në qendër të Frosinone. Në momentin e të shtënave, në restorant ndodheshin të paktën 50 klientë.

Dëshmia e 23-vjeçarit

Pas arrestimit Zeka ka dëshmuar para policisë se shkak i ngjarjes është bërë një zënkë e dikurshme me dy vëllezërit Kasen dhe Ervin Kasmi, ku shkaku ishte një vajzë.

“Isha në bar me miqtë e mi kur u afruan. Menjëherë pashë Ervinin dhe vëllain e tij Kasen që po vinte drejt meje në mënyrë kërcënuese . Me Kasen ka pasur një mosmarrëveshje të vjetër për arsye sentimentale për shkak të një vajze ”, ka deklaruar 23 vjeçari në prani të avokatit të tij, menjëherë pas arrestimit.

Ndërkohë që pistat që po heton policia janë dy, ajo e prostitucionit si dhe shpërndarja e drogës. Por hetuesit italianë nuk përjashtojnë as mundësinë që krimi mund të jetë bërë dhe për çështje nderi, duke ju referuar Kanunit.

Më tej 23-vjeçari ka treguar se kur pa që të katërt bashkëkombasit e tij po i afroheshin në mënyrë kërcënuese në tavolinën ku ndodhej ai dhe miqtë e tij, ka nxjerrë pistoletën dhe ka qëlluar në drejtim të tyre.

“Kur të katërt iu afruan tavolinës sonë menjëherë na sulmuan me fjalë dhe filloi një sherr. Në atë moment mora armën dhe qëllova. Por për të mbrojtur veten”, u shpreh Zeka.

Por i riu tha se pavarësisht të gjithave ishte penduar për krimin që kishte kryer.

/Vizionplus.tv/