Javën e kaluar janë shfaqur dy video në mediat sociale, të cilat pretendojnë se tregojnë akte brutale të prerjes së kokës së ushtarëve ukrainas.
Videot duket se janë të ngjarjeve të ndryshme, njëra prej tyre mund të jetë filmuar kohët e fundit, ndërsa tjetra nga sasia e bimësisë që shihet në tokë, duket sikur është filmuar gjatë verës, shkruan CNN.
Videoja e parë u postua në një kanal të mediave sociale pro-ruse më 8 prill. Ajo supozohet se është filmuar nga mercenarët rusë nga grupi Wagner dhe duket se tregon dy kufoma me koka të prera së dy ushtarëve ukrainas të shtrirë në tokë pranë një automjeti ushtarak të shkatërruar.
Në video dëgjohet një zë, pas kamerës, zëri në dukje i modifikuar për të parandaluar identifikimin e folësit.
“Mjeti i blinduar u godit nga një minë,” thotë zëri që flet rusisht.
Me sa duket duke iu referuar trupave në tokë, personi në video duke qeshur shton: “I vranë. Dikush iu afrua atyre. Ata iu afruan atyre dhe ua prenë kokën.”
Ushtarët e vdekur gjithashtu duket se iu janë prerë duart.
Llogaritë e mediave sociale ruse thonë se videoja është xhiruar pranë Bakhmutit në Ukrainën lindore, e cila ka qenë skena e luftimeve më të ashpra të luftës për shumë muaj, me luftëtarët e Wagner.
Videoja e dytë, e cila u postua në Twitter dhe është shumë e paqartë, duket se është filmuar gjatë verës për shkak të sasisë së jetës së bimëve në tokë. Ajo supozohet të tregojë një luftëtar rus duke përdorur një thikë për të prerë kokën e një ushtari ukrainas. Një zë në fillim të videos lë të kuptosh se viktima mund të ketë qenë ende gjallë kur filloi sulmi.
Menjëherë pas shfaqjes së videove, Andriy Yermak, një këshilltar i lartë i presidentit ukrainas Volodymyr Zelensky, shkroi në Twitter : “Do të ketë një përgjegjës për gjithçka”.
