Lulzim Basha këmbëngul se çdo masë e propozuar nga opozita për situatën e emergjencës nga koronavirusi është realiste.
Qeveria, thotë Basha, të lërë luftën politike dhe t’i zbatojë 8 pikat e platformës së PD pasi sulmet nuk ofrojnë asnjē zgjidhje. Kryedemokrati shton se të gjitha vendet kanë marrë masa financiare për ti bërë ballë kësaj situate, vetëm qeveria Rama nuk e ka bërë këtë gjë.
Çdo vend ka marrë masa financiare dhe fiskale për përballimin e krizës. Prej një jave edhe ne kemi propozuar masa lehtësuese që u vijnë në ndihmë familjeve në nevojë, sipërmarrësve të vegjël dhe punëtorëve.Detyra e parë e qeverisë duhet të jetë shëndeti i shqiptarëve dhe po kështu, ndihma për qytetarët dhe për ekonominë. Shëndeti, siguria dhe ekonomia e njerëzve, janë shqetësimi ynë.Është e papërgjegjshme dhe jo njerëzore të sulmosh ditë e natë opozitën, në një kohë kur të gjitha energjitë duhen fokusuar për tu ardhur në ndihmë njerëzve. Çdo masë që kemi propozuar është realiste dhe e zbatueshme nëse ka MIRËMENAXHIM, KOMPETENCË dhe TRANSPARENCË.
Basha shton se 120 milionë euro që shkojnë dëm, sipas tij, me koncesionet e oligarkëve, duhet të angazhohen urgjentiësht për mbështetje sociale, për fonde shtesë për shëndetësinë si dhe për mbështetje fiskale dhe financiare për bizneset që sot kanë mbyllur dyert.
Jeta nuk ka çmim, sulmet bajate kundër opozitës nuk ofrojnë asnjë zgjidhje. Me batuta nuk qeveriset vendi, nuk ushqehen njerëz, nuk shpëtohen biznese dhe nuk rimëkëmbet ekonomia.Ndaj do të vazhdoj pa u lodhur ti bëj thirrje qeverisë, që për hir të të gjithë shqiptarëve, të lërë mënjanë luftën politike, dhe të vërë interesat e njerëzve të parat. Ndiqni më poshtë masat me efekt të menjëhershëm që i bëj thirrje qeverisë ti zbatojë pa humbur më kohë.
Reagimi i Bashes erdhi pas pergjigjes qe Rama i beri akuzave te opozites, ku nuk mungonte ironia kundrejt liderit te opozites, Lulzim Basha.
VIDEO me platformen e PD per situaten emergjente nga koronavirusi.
